麟伯琴日去到灣仔一間咖哩餐廳食晏，有目擊嘅網民琴日出 post 話，排完25分鐘隊，坐低叫完嘢食就見到麟伯戴住黑超 cap 帽，直入鋪內搵老板娘，但唔夠兩秒就走番出嚟，原來老板娘話「冇位，唔做佢生意呀」，其他伙記就大聲話「以後咪L再嚟」，全場食客歡呼鼓掌。餐廳事後就同蘋果日報講述件事，話：「今日阿倫嚟到拍一拍事頭婆話『兩位』，但事頭婆話：『做唔到嘞，對唔住。』就係咁，至於其他就大家意會喇。」
今朝麟伯就喺微博留言，話自己琴日的確有去嗰間餐廳搵位，不過睇報紙先知自己比人鬧，可能麟伯急急腳走咗聽唔到喇！佢話唔介意有香港人唔尊重佢：「我看來這是小事一樁，不同政見的人有不同看法及反應；他們不尊重我啫，我尊重他們吖，他日有機會再去品嚐一下吧！」
Search